Rückblick Kidssaison 2023
Ujj, gad scho wieder isch dä Sommer verbi,
und mir händ mit dä Kids viel erlebt däbi!
Händs gnossä mitenand über Stock und Stei,
sind immer wieder gsond, dräckig ond zfriedä Hei.
Dä Leiter sei en grossä Dank,
händ mir mit dä Kids gon ohni Problem jede Rank.
Ohni eu wörd das gär nöd goo,
danke, dass i mi immer uf eu chann verloh!
Drumm wot i eu mit dem chlinä Dankeschön chli lockä,
machet mir üs doch im nögste Johr wieder gmeinsam uf Socke.
Au mit dä Fraue isches super cool gsi,
leider isch das au scho wieder verbi.
Au mir händ viel Obgtürli dörfe mitenander mache,
händ chönnä schnädere und au viel lache!
I freu mi jetzt mit eu ufs Winterprogramm,
hoffe äs git viel Schnee und nöd nu Schlamm.
Uf gmeinsami Stündli freu i mi,
chönd doch au und sind däbi.
DANKE
Caroline Marty
