De Fredi hett selle mit sinere Tur id Saison starte,
aber wegem spote Schnee, hämmer demit no chli müese warte.
Zyschigsfahrte sind de sehr guet agloffe,
da simmer würkli paarmal über 10 Biker gsi, ohne z’blöffe.
Altbekannti und au es paar nüi Toure hämmer derfe kenneleere,
nach steile Ufstiig und schwirige Abfahrtes immer au immer gern go iicheere.
De Biathlon hämmer wieder usem Programm müese striiche,
mir wäred alli defür, wenn de Virus bald vo üs wür wiiche.
“Wild und Spitz” simmer mitem Manuel uf Tour item Bike,
en Wäg hämmer gfunde, für die einte weniger fürs Bike, sondern meh fürs “Hike”.
D’Glarner wered so gern mit üs use is Grüene,
aber s Wätter hät sich gar ned welle rüehme.
Defür händ d’Fraue uf ihrer Tour alles geh,
de schöni Usflug händs sich ned welle lo neh.
De Herbscht isch oppsi gange zur Carischinahütte,
Nitzi simmer de mit vill Tempo und Rüttle.
Au ufem Rennvelo hämmer üs zweimol versuecht,
leider sind die Toure schlecht oder gar ned bsuecht.
Mir freued üs negscht Johr uf üsi Usfahrte am Wuchenend,
mit villne Biker und Rennvelofahere wo denn nüt anders vor händ.
Danke sind ihr alli debi,
uf das abe nähmed mer gad no e Schluck vom Wii!
PROST!
