8730 Uznach
Schweiz
Eine Biketour speziell für Frauen und nur für Frauen.
Gli isch es wieder sowiit; am Samschtig 23. Juni 2018 gahts uf eusi Frauebiketour. Das Mal vo Samstagere in Uetliberg. Das sind rund 50km, 900 Hm bzw. 3,5 – 4 Std. Velo fahre. Technisch eifachi Tour ussert de flowigi Downhill bim Uetliberg aber de chönnt mer au umfahre.
Da mir wahrschinlich mit em Zug uf Samstagere fahred, falled Koste (ohni Halbtax) vo ca. Fr. 56.—inkl. Biketransport a. Nach rund 1 ¾ Std. Fahrt de Sihl entlang gits en Kafihalt im Schweikhof oberhalb vo Sihlbrugg.
Nachher gahts im duurende Uf und Ab Richtig Albispass bzw. wiiter Richtig Uetliberg. Zmittag gits entweder i de Buchenegg oder i de Felsenegg. Und dänn na de Reschte in Uetliberg ufe.
D Rückfahrt erfolgt dänn entweder über de HB zrugg uf Uznä oder mir fahred mit em Schiff uf Rappi (rund 2 Stund).
Nämed au eui Nachberi, Tochter oder Fründin mit!
Mir freued eus uf eui!!
Lisbeth und Susanne
Zwecks definitivem Entscheid, ob mir mit em OV oder mit em Auto gönd, wäred mir froh, wänn ihr eui bis am Dunnschtig 21. Juni würded aamälde.
