Verabschiedung als Kidsleiter von Susanne Güntensperger
Liebi Susanne
Jetzt got au för dich ä tolli Leitzerinne Zit zEnd,
mega schad dass mir dich nümmä händ.
Mengs Johr bisch mit dä Blüemli Gruppä unterwegs gsi,
du als Naturverbundni gad perfekt för di.
Zämä öpis erlebe und undernehe,
du häsch dä Chind sehr viel uf ihren Lebensweg mit geh.
Bisch immer zueverlässig bim Eltere informiere, mit Adressliste erfasse,
Aweseheit kontrolliere, eifach super zueverlässig wie mit üsere Kasse.
Äs paar Erinnerige händ mir zämätreit,
und das dooooo mit em Magnet festgmacht damits nöd abegheit.
Mir danket dir mit dem Guetschi vo ganzem Herzä,
und b`haltet dich gern als Kassiererin und passet uf das es mer mit dir nöd verscherzet.
Mir wönschet dir mit em pensionär Pedro drum chli meh Zit,
herzlichst alles Gueti und bliebet bi üs und wittwerhin so fit.
Verabschiedung als Kidsleiter von Hubert Steiner
Jo üsere lieb Hübi Steiner us em Hältlii,
was wäri sKidsbike ohni dii?
Au er wot sich vom Kidsbike noch öber 20 Johre trenne,
er chann jetzt nämmli mit dä Grosschind um dä Chochitisch rennä.
Du häsch soviel Freud und Humor i dini Leitertätigkeit gsteckt,
und däbi bi viellnä Chind dFreud am Bike gweckt.
Gueti Gspröch mit dä Jungä,
das isch dir immer sehr guet glungä.
Mit viel Ruhe und Geduld häsch Jedes probiert znä wies isch,
häsch gfrogt, wer gseht en Fisch?
Äs paar Erinnerigä au för di,
äs isch immer mega lostig mit dir gsi.
Mir wünschet au dir und dä Lisbeth vo ganzem Herzä nu sBesti,
dooooo viellicht en Guetschi vomnä Resti?
Nomol ganz grossä Dank Hübi versteckt dich nöd döt hindä,
du bisch eifach toll sösst müesst mer dich erfinde.
Bliebsch üs aber scho nochli treu im VCU lueg dörfsch gern do förä choo,
und sGschenk entgege neh minnere Meinig noh ; )
geschrieben vo n Caroline
