Guetä Obig mitenand    

Han eigentlich gmeint ich hegi Jöppli abgeh,
jetzt red ich aber no viel meh.

Dä Saisonstart hät agfange mit ere Tour fo üs Alte,
mir händ fascht alli sTempo bis uf Walestadt chönnä phalte.

Isch ä cooli Power Tour gsi, gell Fredy,
dä Beschrieb isch aber för äs Velo mit Batterie.

Däför sind mir Hei gflitz ganz gschwind,
mit 35 Stundekilometer und abä mit em Grind.

Dä Mai Märt isch för dä Hugo und Fredy immer en Hit,
danke vielmol bliebet dra er haltet eu fit.

Die neu Wettkampf Art för all vom VCU hät gheisse,
Skilaufe, Wassertransport, Sägä, Nagle oder eifach dä Haniball umä schmeisse.

I denke äs hät vör alli öpis gha,
imues immer nochli Schmunze wenn i lueg äs Filmli aa.

Rennvelofahrer a dä Usflüg werdet immer rarer,
das wird leider au dä Susanne immer klarer.

Däför sind mir Fraue uf dä Sattelegg Tagestour ganz äs stolzi Truppe gsi,
und sind no öpä gmüetli inä Beiz verbi.

Dä Fredy häts mit dä Toure voll im Griff und chann suber brilliere,
die Tour mit dä Glarner isch cool gsi samt em feine zNacht grilliere.

Endourotur  1 + 2 mit em Manuel Messina isch gsi dä Wahn,
äs sind vieli mitcho au ohni Toure Plan.

Sie händ scho güebt uf üseri 2 Tagestour,
nümm ufä fahre nunu Bähndlä pur.

Äs tolls Weekend ischs gsi,
Nauders mir chönd wider mol verbi.

Sternefahrt zur neu eröffnete Riettmarre,
hät för all öpis gha, mit Velo, Zfuess oder eifach ane charre.

So das isches gsi……..
danke herzlichst wennt au gsi bisch däbi.

geschrieben von Caroline

geschrieben von Caroline Marty

Äs hät leider mit Rege agfange aber nochher isch däför ruckzuck losgange.
Mit viellnä tolle Chind hämmer chönnä go bike, sie händ üs sogär mengsmol in Celloweg chönnä begleitä.
Au bi dä Schnitzeljagd händ Kind chönne dä Weg usstudiere und ihri Bike Künst teste und us probiere.
Mir händ än ganz en tolle Sommer gha, mit viellne lustige Stunde mit dä Kids – i denke jetzt no dra.
Natürli hät 2 Tagestour mit dä Kids nöd dörfe fehle, in Plaffeie händ mir nu die kühlschte Trails chönne uswehle.
Äs isch mit eu eifach dä Hammer gsi, Plaffeie mir chönnd sicher wieder mol verbii.
Gege sEnd vo dä Saiso ischs dunkler worde und chälter oder wird i nu no älter????
—————-
Als erschts wot i allne Leiter, em Coach und dä neue Junghilfsleiter vo ganzem Herze danke, för die grossi Unterstützig am Mittwoch Obig.
Äs isch ganz ä neui Ufgob gsi för mi das Johr zum dJungleiter ächli meh izbinde.
sHät klappet und mir sind froh gsi um euri guet Unterstüzig, so spontan, frisch und eifach jung.
Gern hettet vier Jungleiter wölle sTurne öber dä Winter organisiere. Sisch aber leider nöd stand cho, will sIntresse vo dä Kind fehlt. Mir häts mega Leid tue för die junge Leiter wo sich so fescht angaschiert händ und au dä Turnhalle Sitzigteil gno händ.

En grosse DANK.
För die guetä Stunde uf em Velo, a Sitzige und i dä j+s Kürs. Äs isch immer wieder ganz ä wertvolli und schöni Zit mit eu.
Eues Dankeschön mues i leider no lismä, das dörfet ihr a dä Frühligsversammlig entgegeneh.

geschrieben von Fredi Schmucki

Zu Saisonbeginn, das Wetter war schlecht,
Kein Biken möglich – das war nicht recht.

Als dann der Sommer kam, war’s endlich so weit,
dienstags aufs Bike – wir waren bereit.

Über Berge und Wiesen, gemeinsam am Start,
Mit Spass und auch Ehrgeiz, das war echt hart.

Eine Tour starteten sieben, das war der Plan,
Gemeinsam wollten wir Berge und Täler fahr’n.

Manch einer kehrte frühzeitig um,
Die Beine schwer, das Lächeln stumm.

Am Ende blieben zwei übrig im Schein,
Die hielten tapfer durch, wollten Helden sein.

Zum Glück kamen alle wohlauf heim,
Die Tour bleibt unvergessen – so soll’s sein!

Ich freu’ mich schon jetzt auf die Touren im neuen Jahr, Dienstags mit euch – das wird wieder wunderbar!